Amnesty International kinuwestyon pamumuno ni BBM matapos pagdudahan kanilang ulat ukol sa Martial Law

Ni Alyssa Damole

PHOTO: Amnesty International

Pinuna ni Amnesty International Philippines Section Director Butch Olano ang inihahaing pamumuno ni presidential aspirant Ferdinand "Bongbong" Marcos Jr. bunsod ng hindi nito pagtitiwala sa documented claims ng samahan. 

Ito ay matapos ipahayag ni Marcos ang kanyang 'pag-aalinlangan' sa data ng Amnesty International tungkol sa Martial Law.

"Ferdinand Marcos Jr. has no regard whatsoever for the victims of martial law... Anyone running for President who says they do not know how public information on human rights violations during martial law were generated is blatantly denying history. This makes us question the kind of leadership they offer to bring to MalacaƱang," ani Olano sa isang statement nitong Enero 25, 2022.

Sa kanyang one-on-one interview kasama si Boy Abunda na umere sa kaparehong araw, matatandaang itinanong ni Abunda kung "pawang kasinungalingan lamang" ba ang hawak na dokumento ng Amnesty International na nagsasabing mula 1972 hanggang 1981, nasa 72,000 ang nakulong, 34,000 ang tortured, at 3,240 ang pinatay sa kasagsagan ng Martial Law.

"Well, I do not know how they generated those numbers and I haven't seen them, but let us ask Amnesty International to share that information that they have and maybe it will help us make sure that the system works and what alleged abuses occurred should not occur again," sagot ni Bongbong.

Nangakong pormal na magbibigay ng report copies na inilathala noong 70s at 80s ang Amnesty International kay BBM at hinimok siyang patunayan ang kanyang 'willingness' sa pagbibigay-hustisya sa mga biktima ng Martial Law sa pamamagitan ng kanyang mga plataporma at planong pamamalakad sa bansa.

"We urge him to acknowledge the atrocities committed under martial law as written in our reports, condemn the actions of his father’s regime, show remorse and publicly apologize to the victims, their families and the entire nation. This is the bare minimum for him, the Filipino people deserves no less," dagdag pa ni Olano.

Sa layuning depensahan ang karapatang pantao, unang nailatahala noong taong 1976 at 1982 ang Martial Law reports ng Amnesty International na naglalaman ng mahahalagang impormasyon tulad ng mga interview sa mga nabilanggo, mga insidente ng torture, pati na rin ang rekomendasyon ng samahan sa pamahalaan.


Iniwasto ni Monica Chloe Condrillon

Previous Post Next Post